Zia Mohyeddin Narrated Poetry Collection | Best Urdu Poetry Collection

Maine kañto se bhar liya daman

taki har sakh-e-gul pe nikhre phool

Teri jholi ko be-khalish kr de 

zindagi ke tiimarkhane me

Baarhaa main iradatan hara

taki teri jeet ki khushi dekhu 

☆☆☆

Phir koi aayaa, dil-e-zaar! Nahin, koi nahin

Rah’ro hoga, kahiñ aur chalaa jaayegaa

Dhal chuki raat, bikharne lagaa taaron ka ghubaar

Ladkhadaane lage aiwaanon mein khwabda chiraag

So gayee raastaa tak tak ke har ik rahguzaar

Ajnabi khaak ne dhundlaa diye qadmon ke suraagh

Gul karo shammeiñ badha do mai-o-meena-o-ayaagh

Apne bekhwaab kiwaadon ko muqaffal kar lo

Ab yahaan koi nahin, koi nahin aayega 

☆☆☆

Dil phir tavāf-e-kū-e-malāmat ko jaa.e hai 

pindar ka sanam-kada virañ kiye hue 

mange hai phir kisi ko lab-e-bam par havas 

zulf-e-siyah ruḳh pe pareshañ kiye hue 

ik nau-bahar-e-naz ko taake hai phir nigah 

chehra faroġh-e-mai se gulistan kiye hue

jī dhundta hai phir vahī fursat ki raat din 

baiThe raheñ tasavvur-e-janañ kiye hue