Kaun rahta tha kahañ yaad nahiñ | Ahmad Mushtaq | Ghazal Lyrics

1. ab vo galiyañ vo makan yaad nahiñ 

kaun rahta tha kahañ yaad nahiñ 

jalva-e-husn-e-azal the vo dayar 

jin ke ab nām-o-nishāñ yaad nahiñ 

koi ujla sa bhala sa ghar tha 

kis ko dekha tha vahañ yaad nahiñ 

yaad hai zina-e-pechañ us ka 

dar-o-divar-e-makañ yaad nahiñ  

 

2. Ik zamana tha ki sab ek jagah rahte the

aur ab koi kahiñ koi kahiñ rahta hai 

3. paani meñ aks aur kisi asman ka hai

ye naav kaun si hai ye dariya kahan ka hai

- Ahmad Mushtaq