Ain-mumkin hai doob jaaen ham | Arslan Abbas | Full Nazm Lyrics

AIN MUMKIN HAI DOOB JAAE.N HAM

ain-mumkin hai doob jaaen ham 

ham jo kachche makan ke baasi hain 

dasht-e-be-asman ke baasi hain 

ham jo daman me kuchh nahi rakhte 

bebasi aur be-kasi ke siva

apne angan mein kuchh nahi rakhte 

saḳhti-e-'umr-o-muflisi ke siva

ham ki vo dard-ashna jin par 

'umr-bhar vaqt mehrbañ na hua

aaj tak baḳht mehrbañ na hua

ham jinheñ ziist ke gulistañ se 

rahato kī havā nahīñ aa.ī 

ham jinheñ kucha-ha-e-yarañ se 

hamdami ki sada nahi aai

ham jinhe ulfaton ke raste meñ 

apni hi sadgi ne loota hai 

har nayi dosti ne Loota hai 

ham jinheñ zindagi ka paas to hai 

par jinheñ zindagi se pyaar nahiñ 

ham jo har lahza muskurate haiñ 

par jinheñ ek pal qarar nahiñ 

ab tire khvab ko vafa karne 

sū-e-sahil chale to haiñ lekin 

'ain-mumkin hai Duub jaa.eñ ham 

- Arslan Abbas