Waqt Ka Kya Hai Guzarta Hai Guzar Jayega Full Ghazal | Ahmad Faraz | Ahmad Faraz Ghazal

Aankh Se Door Na Ho Dil Se Utar Jaayega

Waqt Ka Kya Hai Guzarta Hai Guzar Jaayega

Itna Maanus Na Ho Khalwat-E-Gham Se Apni

Tu Kabhi Khud Ko Bhi Dekhega To Dar Jaayega

Tum Sar-E-Raah-E-Wafaa Dekhte Rah Jaaoge

Aur Wo Baam-E-Rafaaqat Se Utar Jaayega

Zindagi Teri Ataa Hai To Ye Jaane Walaa

Teri Bakshish Teri Dehaliz Pe Dhar Jaayega

Doobte Doobte Kashti To Ochhaala De Doon

Main Nahin Koi To Saahil Pe Utar Jaayega

Zabt Laazim Hai Magar Dukh Hai Qayamat Ka ‘Faraz’

Zaalim Ab Ke Bhi Na Royega To Mar Jayega 

~Ahmad Faraz