Khabar Nahi Hai Ki Suraj Kidhar Se Nikla Tha | Urdu Ghazal | Ahmad Faraz

Ajab Junoon-e-Musafat Mein Ghar Se Nikla Tha,

Khabar Nahin Hai K Suraj Kidhar Se Nikla Tha,

Ye Kaun Phir Se Unhin Raston Mein Chor Gaya,

Abhi Abhi To Azab-e-Safar Se Nikla Tha,

Ye Teer Dil Mein Magar BeSabab Nahin Utra,

Koi To Harf Lab-e-Charagar Se Nikla Tha,

Ye Ab Jo Aag Bana Shahr Shahr Phaila Hai,

Yahi Dhuan Mire Divar-o-Dar Se Nikla Tha,

Main Raat Toot K Roya To Chain Se Soya,

K Dil Ka Zehr Meri Chashm-e-Tar Se Nikla Tha,

Ye Ab Jo Sar Hain Khamida Kulah Ki Khatir,

Ye Aib Bhi To Hum Ahl-e-Hunar Se Nikla Tha,

Wo Qais Ab Jise Majnun Pukarte Hain FARAZ,

Teri Tarah Koi Divana Ghar Se Nikla Tha.

•••••

Subscribe Us On YouTube

Qafas Poetry

Follow Us On Social Media

Facebook

Instagram

Twitter