Bata Kiya Kya Tune Mere Liye | Mukhatib Hai Banday Se Parvardigar | Abrar Kashif

Mere Rab Ki Mujh Per Inayat Hui

Kahooñ Bhi To Kese Ibadat Hui

Haqeqat Hoi Jese Mujh Per Ayaañ

Qalam Ban Gya Hai Khuda Ki Zubañ

Mukhatib Hai Banday Se Parwardigar

Tu Husn e Chaman Tu He Rang e Bahaar

Tu Miraj e Fun Tu He Fun Ka Singhar

Musavvir Hoon Mein Tu Mera Shahkaar

Ye Subhey Ye Shamey Ye Din Or Raat

Ye Rangeen Dilkash Haseeñ Kainat

Ke  Hurooñ Malaik O Jinnat Mein

Kiya Hai Tujhy Ashrafulmakhluqat 

Meri Azmatoon Ka Hawala Hai Tu

Tu Hi Roshni Hai Ujala Hai Tu

Farishtoon Se Sajda Bhi Karwa Diya

Ke  Tere Liye Mein Ne Kiya Na Kia

Ye Dunai Jahaan Bazm Arayiaañ

Ye Mehfil Ye Mele Ye Tanhayiaañ

Falak Ka Tujhy Shamyana Dia

Zameen Per Tujhy Aabo - Daana Dia

Mile Aabsharoo Se Bhi Hosleñ

Pahadoo Mein Tujh Ko Diye Rastay

Ye Pani Hawa Or Shams O Qamar

Ye Moj e Rawa Ye Kinara Bhañwar 

Ye Shakoon Pey Gunchay Chataktay Howey

Falak Pey Sitarey Chamaktay Howay

Ye Sabzay Ye Pholoon Bhari Kiyariyaañ

Ye Panchi Ye Udti Hui Titliyaañ

Ye Shola Ye Shabnam Ye Mitti Ye Sang

Ye Jharnoñ Kay Bajtay Hue Jal Tarang

Ye Jhiloñ Mein Haste Hue Se Kañwal

Ye Dharti Pey Mosam Ki Likhi Ghazal

Ye Sardi Ye Garmi Ye Barish Ye Dhoop

Ye Chehra Ye Qad Or Ye Rang o Roop

Darindoon Charindoon Pe Qabooñ Diya

Tujhy Bhai De Kar Ke Bazooñ Diya 

Behan Di Tujhy Or Shareek e Saffar

Ye Rishtay Ye Natay Ye Gharana Ye Ghar

Kay Aulaad Bhi Di ...Diye Waledain

Alif Laam Meem Qaaf Or Aeen Gain

Ye Aqal o Zahanat Shaoor o Nazar

Ye Basti Ye Sehra Ye Khushki Ye Tar

Or Us Per Kitabain Hidayat Bhi Di

Nabi Bhi Utare Shariyat Bhi Di

Garz Ke Sabhi Kuch Hai Tere Liye

Bta Kya Kiya Tune Mere Liye